Yannik Sinnet ketma-ket ikki finalda set yoʻqotmasdan gʻalaba qozongan ilk tennischiga aylandi
Italiyalik tennischi, jahon reytingida ikkinchi o‘rinda turgan Yannik Sinner tarixiy natijaga erishdi. Bugun, 16 noyabr kuni u Turinda Karlos Alkarasni 7:6 (7:4), 7:5 hisobida mag‘lub etib, ATP Yakuniy chempionatini ketma-ket ikkinchi marta set yo‘qotmay yutgan birinchi tennischiga aylandi.
Sinner 2024 yilgi Yakuniy chempionatni ham qo‘lga kiritgan edi, o‘shanda u amerikalik Teylor Fritsni mag‘lub etgandi. Bugungi g‘alaba italiyalik tenischi uchun kariyerasidagi 24‑chi va joriy mavsumdagi 6‑chi turnir sovrini bo‘ldi.
Avvalroq u Parij, Pekin, Vena turnirlarida, shuningdek Uimbldon va Australian Openda ham g‘alaba qozongan.
Shuningdek, Sinner jahon reytingidagi top-10 o‘yinchilariga qarshi 59‑chi g‘alabasini qo‘lga kiritdi. So‘nggi 78 uchrashuvining 71 tasida u raqiblarini dog‘da qoldirishga muvaffaq boʻlgan.
