Яна бир россиялик теннисчи Ўзбекистон шарафини ҳимоя қилади
Жаҳон рейтингида 92-ўринда бораётган россиялик теннисчи Полина Кудерметова Халқаро теннис федерацияси (ITF) расмий сайтида Ўзбекистон байроғи остида қайд этилди. Ҳозирча спортчи томонидан спорт фуқаролигини ўзгартиргани ҳақида расмий баёнот берилмаган.
Аввалроқ уч нафар россиялик теннисчи спорт фуқаролигини ўзгартиргани маълум бўлганди. Хусусан, Камилла Рахимова ва Мария Тимофеева эндиликда Ўзбекистон шарафини ҳимоя қилади, Анастасия Потапова эса Австрия терма жамоаси сафида иштирок этади.
Эслатиб ўтамиз, декабр ойи бошида Полина Кудерметова Франциянинг Анже шаҳрида бўлиб ўтган WTA-125 тоифасидаги турнирда чорак финалга чиқа олмади. Иккинчи босқичда у Германия вакиласи Анна-Лена Фридзамга (WTA рейтингида 193-ўрин) 3:6, 6:1, 2:6 ҳисобида мағлуб бўлди.
