WTA рейтинги: ўзбекистонлик теннисчиларнинг аксарияти пасайди, фақат биттаси юқорилади
Аёллар тенниси бўйича WTAнинг 23 июн ҳолатидаги ҳафталик рейтинги эълон қилинди. Дунё рейтингида биринчи ўриндаги Арина Соболенко пешқадамликни сақлаб қолди. Америкаликлар Коко Гофф ва Жессика Пегула ҳам ўз ўринларини мустаҳкамлаб турибди. Яна бир янгилик шундаки, италиялик Жасмин Паолини дунёнинг тўртинчи ракеткасига айланди.
Ўзбекистонлик теннисчилар орасида фақат Сабрина Олимжонова рейтингда юқорилашга эришди — у 1 очко жамғарган ҳолда 1376-ўриндан 1389-поғонага кўтарилди. Қолган 5 теннисчимиз эса ўрин йўқотди.
Миллий терма етакчилари — Влада Якшибарова ва Нигина Абдураимова мос равишда 13 ва 29 поғона пастлади. Абдураимова 1000 таликдаги ўрнини ҳам йўқотиши мумкин. Дарья Шубина 7, Милана Масленкова 13, Диана Яковлева эса 8 ўринга пасайди.
WTA рейтинги (23 июн):
1. Арина Соболенко (Беларусь) — 11640 очко
2. Коко Гофф (АҚШ) — 7899
3. Жессика Пегула (АҚШ) — 6048
4. Жасмин Паолини (Италия) — 4806
5. Чжэн Циньвэнь (Хитой) — 4803
6. Мэдисон Киз (АҚШ) — 4669
7. Мирра Андреева (Россия) — 4636
8. Ига Швёнтек (Польша) — 4618
9. Паула Бадоса (Испания) — 3727
10. Эмма Наварро (АҚШ) — 3697
Ўзбекистонлик теннисчилар:
• 884 (871). Влада Якшибарова — 28
• 998 (975). Нигина Абдураимова — 19
• 1211 (1204). Дарья Шубина — 9
• 1336 (1323). Милана Масленкова — 6
• 1376 (1389). Сабрина Олимжонова — 5
• 1422 (1414). Диана Яковлева — 3
