WTA: Абдураимова тез суръатда ўрин йўқотмоқда ва тез орада топ-1000 рўйхатидан чиқиб кетиши мумкин
Халқаро аёллар теннис ассоциацияси (WTA) ҳафталик янгиланган рейтингни эълон қилди. Рейтингнинг биринчи ўрнида белоруссиялик Арина Соболенко қолмоқда. Иккинчи ўринда - полшалик Ига Свёнтек, учинчида эса америкалик Жессика Пегула. Топ-10даги ягона ўзгариш - қозоғистонлик Елена Рыбакина 10-ўриндан 11-ўринга тушди.
Ўзбекистонлик теннисчилар орасида тўрт нафар спортчидан уч нафари ўз ўрнини сақлаб қолди. Милана Масленкова бир поғона юқори кўтарилди. Бироқ мамлакатнинг биринчи рақамли теннисчиси Нигина Абдураимова очколарни жадал йўқотишда давом этмоқда: сўнгги икки ҳафтада у 145 поғонага тушган бўлса, бу ҳафта яна 114 ўринга пасайиб, 825-ўринни эгаллади. Агар шундай пасайиш давом этса, у тез орада топ-1000дан чиқиб кетиши мумкин.
22 апрел ҳолатига кўра WTA рейтингининг топ-11 талиги:
1 (1). Арина Соболенко (Беларус) — 10 768 очко
2 (2). Ига Свёнтек (Полша) — 7 383
3 (3). Жессика Пегула (АҚШ) — 6 208
4 (4). Коко Гофф (АҚШ) — 6 073
5 (5). Мэдисон Кис (АҚШ) — 4 999
6 (6). Жасмин Паолини (Италия) — 4 930
7 (7). Мирра Андреева (Россия) — 4 781
8 (8). Чжэн Цинвэн (Хитой) — 4 193
9 (9). Паула Бадоса (Испания) — 3 821
10 (11). Эмма Наварро (АҚШ) — 3 797
11 (10). Елена Рыбакина (Қозоғистон) — 3 308
Ўзбекистонлик теннисчиларнинг позицияси:
825 (711). Нигина Абдураимова — 32 очко (-114)
908 (908). Влада Якшибарова — 25
1350 (1351). Милана Масленкова — 5 (+1)
1373 (1373). Сабрина Олимжонова — 4
