W15 Tashkent 2. Абдураимова биринчи ракеткага қарши курашда ютқазди
Расм: Olamsport.uz
Пойтахтимизда теннис бўйича W15 тоифасидаги Tashkent 2 халқаро турнири қизғин палласига кирган. Яқинда якун топган 1/8 финал баҳсида ҳамюртимиз Нигина Абдураимова турнирнинг биринчи рақамли рақеткаси — россиялик Екатерина Рейнгольдга қарши майдонга тушди. Жаҳон рейтингида 479-ўринни эгаллаб турган Рейнгольд икки сетда йирик ҳисобда ғалаба қозонди — 6/1, 6/3.
Маълумот учун, Абдураимова WTA рейтингида ҳозирча 974-поғонада жой олган. Шу tariqa, у мусобақани 1/8 финалда тарк этди.
Айни пайтда мусобақада ўзбекистонлик теннисчилардан фақатгина Сабрина Олимжонова қолган. У навбатдаги босқичда россиялик Паншинага қарши баҳс олиб боради.
Бакрадзе Иман
Редактор