W15 Tashkent 2. Abduraimova birinchi raketkaga qarshi kurashda yutqazdi
Rasm: Olamsport.uz
Poytaxtimizda tennis bo‘yicha W15 toifasidagi Tashkent 2 xalqaro turniri qizg‘in pallaga kirgan. Yaqinda yakun topgan 1/8 final bahsida hamyurtimiz Nigina Abduraimova turnirning birinchi raqamli raketkasi — rossiyalik Ekaterina Reyngol’dga qarshi maydonga tushdi. Jahon reytingida 479-o‘rinni egallab turgan Reyngol’d ikki setda yirik hisobda g‘alaba qozondi — 6/1, 6/3.
Ma’lumot uchun, Abduraimova WTA reytingida hozircha 974-pog‘onada joy olgan. Shu tariqa, u musobaqani 1/8 finalda tark etdi.
Ayni paytda musobaqada o‘zbekistonlik tennischilardan faqatgina Sabrina Olimjonova qolgan. U navbatdagi bosqichda rossiyalik Panshinaga qarshi bahs olib boradi.
Bakradze Iman
Redaktor