US Open: Камилла Раҳимова учинчи даврага йўл олди. Навбатдаги рақиб – Арина Соболенко
Раҳимованинг тотал устунлиги иккинчи сетда ҳам давом этди.
Фото: Olympic.uz
Ўзбекистонлик теннисчи Камилла Раҳимова (92-ракетка) АҚШ очиқ чемпионатида навбатдаги ғалабасини қўлга киритди.
Иккинчи даврада испаниялик Оксана Селехметовага (93) қарши кортга чиққан юртдошимиз дастлабки сетни 6:3 ҳисобида ўз фойдасига ҳал қилди. Раҳимованинг тотал устунлиги иккинчи сетда ҳам давом этди ва у 6:0 ҳисобидаги ғалаба билан катта қийинчиликсиз кейинги даврага йўл олди.
Учинчи даврада теннисчимизга икки йилдан бери кетма-кет мазкур турнирда чемпион бўлиб келаётган жаҳон рейтинги етакчиси, беларуслик Арина Соболенко рақиблик қилади.
