Тошкентда “Generations United Tennis Series” теннис турнири муваффақиятли ўтказилмоқда
Бугун Тошкент шаҳридаги Олимпия шаҳарчасида ACWA Power ва Ўзбекистон Теннис Федерацияси ташаббуси билан “Generations United Tennis Series” теннис турнири бўлиб ўтди.
Тадбир Тошкент халқаро инвестиция форуми (TIIF) доирасида ташкил этилиб, бизнес вакиллари, давлат ташкилотлари, халқаро ҳамжамият ва жамоатчилик вакилларини бир майдонда жамлади.
Турнир “Generations United” ижтимоий ташаббуси доирасида ўтказилиб, авлодлар ўртасидаги мулоқотни ривожлантириш, менторлик маданиятини мустаҳкамлаш ҳамда ёшлар ва катта авлод вакиллари ўртасида тажриба алмашиш имкониятларини кенгайтиришга қаратилди.
Тадбир дастуридан турнирнинг расмий очилиш маросими, “Generations United” маҳорат дарси, авлодлараро Tie-Break Slam мусобақаси, шунингдек, TIIF иштирокчилари ўртасидаги асосий теннис баҳслари ўрин олди.