Toshkentda “Generations United Tennis Series” tennis turniri muvaffaqiyatli o‘tkazilmoqda
Bugun Toshkent shahridagi Olimpiya shaharchasida ACWA Power va O‘zbekiston Tennis Federatsiyasi tashabbusi bilan “Generations United Tennis Series” tennis turniri bo‘lib o‘tdi.
Tadbir Toshkent xalqaro investitsiya forumi (TIIF) doirasida tashkil etilib, biznes vakillari, davlat tashkilotlari, xalqaro hamjamiyat va jamoatchilik vakillarini bir maydonda jamladi.
Turnir “Generations United” ijtimoiy tashabbusi doirasida o‘tkazilib, avlodlar o‘rtasidagi muloqotni rivojlantirish, mentorlik madaniyatini mustahkamlash hamda yoshlar va katta avlod vakillari o‘rtasida tajriba almashish imkoniyatlarini kengaytirishga qaratildi.
Tadbir dasturidan turnirning rasmiy ochilish marosimi, “Generations United” mahorat darsi, avlodlararo Tie-Break Slam musobaqasi, shuningdek, TIIF ishtirokchilari o‘rtasidagi asosiy tennis bahslari o‘rin oldi.
