Теннисчиларимиз Қайсери турнирида курашсиз мағлуб бўлишди
Максим Шин ва Амир Милушев турнирни номаълум сабабларга кўра тарк этди
Расм: Olamsport.uz
Туркиянинг Қайсери шаҳрида ўтаётган M15 тоифасидаги теннис турнирида ўзбекистонлик теннисчилар Максим Шин ва Амир Милушев ўз иштирокларини кутилмаганда тугатишди.
Мамлакатимизнинг учинчи рақамли теннисчиси Шин франциялик Пол Инчауспега қарши ўйинга чиқмаган бўлса, Милушев 1/8 финалда туркиялик Биртан Дуранни мағлуб этганига қарамасдан, 1/4 финалда Арда Азкарага қарши беллашувда иштирок этмади.
Милушевнинг ўйинга чиқмаслиги натижасида Арда Азкара курашсиз ярим финалга йўл олди. Спортчиларнинг кортга чиқмаслик сабаблари расман маълум қилинмаган — бу жароҳат ёки бошқа сабаб бўлиши мумкин.
Бакрадзе Иман
Редактор