Теннис. Ўзбекистон аёллар терма жамоаси плей-офф босқичига йўл олди!
Billie Jean King Cup Осиё/Океания II гуруҳи доирасида Малайзияга қарши баҳсда Ўзбекистон терма жамоаси яккалик учрашувларидаёқ ғалабани таъминлади.
Теннис
Иброҳим Жалолов
Редактор
photo: Tennis Uzbekistan
Billie Jean King Cup Осиё/Океания II гуруҳи доирасида Малайзияга қарши баҳсда Ўзбекистон терма жамоаси яккалик учрашувларидаёқ ғалабани таъминлади.
Нигина Алимова Малайзия вакили Daania Daniella Hazlini 6:2, 6:0 ҳисобида мағлуб этди. Севил Юлдашева эса Dhevieena Sarawanan устидан 6:3, 6:3 ҳисобида зафар қучди. Шу тариқа Ўзбекистон терма жамоаси муддатидан олдин 2:0 ҳисобида умумий ғалабани қўлга киритди.
Жуфтлик баҳси эса ёмғир сабабли вақтинча тўхтатилди. Учрашув тўхтатилган пайтда Нигина Алимова ва Севил Юлдашева жуфтлиги 7:5, 3:1 ҳисобида олдинда бораётган эди.
Мазкур ғалаба эвазига Ўзбекистон аёллар терма жамоаси гуруҳ босқичини иккинчи ўрин билан якунлаб, плей-офф босқичига йўл олди.