Tennis. O‘zbekiston ayollar terma jamoasi pley-off bosqichiga yo‘l oldi!
Billie Jean King Cup Osiyo/Okeaniya II guruhi doirasida Malayziyaga qarshi bahsda O‘zbekiston terma jamoasi yakkalik uchrashuvlaridayoq g‘alabani ta’minladi.
Tennis
Ibrohim Jalolov
Redaktor
photo: Tennis Uzbekistan
Billie Jean King Cup Osiyo/Okeaniya II guruhi doirasida Malayziyaga qarshi bahsda O‘zbekiston terma jamoasi yakkalik uchrashuvlaridayoq g‘alabani ta’minladi.
Nigina Alimova Malayziya vakili Daania Daniella Hazlini 6:2, 6:0 hisobida mag‘lub etdi. Sevil Yuldasheva esa Dhevieena Sarawanan ustidan 6:3, 6:3 hisobida zafar quchdi. Shu tariqa O‘zbekiston terma jamoasi muddatidan oldin 2:0 hisobida umumiy g‘alabani qo‘lga kiritdi.
Juftlik bahsi esa yomg‘ir sababli vaqtincha to‘xtatildi. Uchrashuv to‘xtatilgan paytda Nigina Alimova va Sevil Yuldasheva juftligi 7:5, 3:1 hisobida oldinda borayotgan edi.
Mazkur g‘alaba evaziga O‘zbekiston ayollar terma jamoasi guruh bosqichini ikkinchi o‘rin bilan yakunlab, pley-off bosqichiga yo‘l oldi.