Теннис. WTA 500. Камилла Раҳимова чорак финалида британиялик теннис юлдузи Эмма Радукануга қарши кортга чиқади
Учрашув бугун Тошкент вақти билан соат 16:30 да бошланади.
photo: Tennis Uzbekistan
КУННИНГ МАРКАЗИЙ УЧРАШУВИ
Камилла Раҳимова - Эмма Радукану
Ўзбекистоннинг биринчи ракеткаси Камилла Раҳимова бугун Лондонда ўтаётган нуфузли WTA 500 турнири чорак финалида британиялик теннис юлдузи Эмма Радукану билан кортга чиқади.
Эмма Радукану теннис мухлисларига яхши таниш — у 2021-йилги US Open чемпионлиги билан тарихдаги энг ёрқин сенсацияларнинг бирини яратган. Ҳозирда британиялик теннисчи WTA live рейтингида 43-ўринни эгаллаб турибди.
Камилла Раҳимова эса Ўзбекистоннинг биринчи ракеткаси сифатида айни пайтда WTA live рейтингида 65-ўринни эгаллаб турибди.
Бўлажак учрашув чорак финал босқичининг энг қизиқарли баҳсларидан бири бўлиши кутилмоқда.
Учрашув бугун Тошкент вақти билан соат 16:30 да бошланади.
Иброҳим Жалолов
Редактор