Tennis. WTA 500. Kamilla Rahimova chorakfinalida britaniyalik tennis yulduzi Emma Radukanuga qarshi kortga chiqadi
Uchrashuv bugun Toshkent vaqti bilan soat 16:30 da boshlanadi.
photo: Tennis Uzbekistan
KUNNING MARKAZIY UCHRASHUVI
Kamilla Rahimova - Emma Radukanu
O‘zbekistonning birinchi raketkasi Kamilla Rahimova bugun Londonda o‘tayotgan nufuzli WTA 500 turniri chorakfinalida britaniyalik tennis yulduzi Emma Radukanu bilan kortga chiqadi.
Emma Radukanu tennis muxlislariga yaxshi tanish - u 2021-yilgi US Open chempioni bo‘lib, tarixdagi eng yorqin sensatsiyalardan birini yaratgan. Hozirda britaniyalik tennischi WTA live reytingida 43-o‘rinni egallab turibdi.
Kamilla Rahimova esa O‘zbekistonning birinchi raketkasi bo‘lib, ayni paytda WTA live reytingida 65-o‘rinni egallab turibdi.
Bo‘lajak uchrashuv chorak final bosqichining eng qiziqarli bahslaridan biri bo‘lishi kutilmoqda.
Uchrashuv bugun Toshkent vaqti bilan soat 16:30 da boshlanadi.
Ibrohim Jalolov
Redaktor