Теннис. US Open ярим финалида Жокович мағлуб бўлди
ФОТО: Getty images
Нью-Йорк шаҳри мезбонлигида ўтаётган теннис бўйича “Катта Дубулға” туркумига кирувчи АҚШ Очиқ чемпионатининг эркаклар ўртасидаги баҳсларида финалчилар аниқланди.
Дунёнинг иккинчи ракеткаси Карлос Алкарас ярим финалда ATP рейтингида еттинчи ўринни эгаллаб турган сербиялик афсона Новак Жоковичга қарши кортга чиқди. Икки соат-у 25 дақиқа давом этган баҳсда Карлос номдор рақибини уч сет натижасига кўра мағлубиятга учратди - 6/4, 7/6(4), 6/2.
Шу тариқа, Карлос фаолиятида еттинчи бор “Катта Дубулға” турнирларининг финалига чиқди.
Розикжон Султонмуродов
Журналист