Теннис. Сергей Фомин Таиланддаги ATP Challenger турнирининг чорак финалига йўл олди
Ярим финал йўлламаси учун Фомин 30 ёшли чехиялик теннисчи Марек Генгелга қарши кортга чиқади.
photo: Tennis Uzbekistan
Ўзбекистонлик теннисчи Сергей Фомин Таиланднинг Нонтхабури шаҳрида ўтаётган ATP Challenger тоифасидаги турнирда навбатдаги ғалабасини қўлга киритиб, мусобақанинг чорак финал босқичига чиқди.
Ўзбекистоннинг биринчи ракеткаси Сергей Фомин 22 ёшли франциялик теннисчи Робер Бертрандга қарши баҳсда ишончли ўйин намойиш этиб, 2-0 ҳисобида (6-3, 6-4) ғалаба қозонди. Таъкидлаш жоизки, учрашув олдидан Бертранд ATP рейтингида 302-ўринни эгаллаб турган эди.
Ярим финал йўлламаси учун Фомин 30 ёшли чехиялик теннисчи Марек Генгелга қарши кортга чиқади. Учрашув эртага бўлиб ўтади ва маҳаллий вақти билан соат 08:00 да бошланиши режалаштирилган.
Иброҳим Жалолов
Редактор