Теннис. Саидислам Фарходов Tennis Europe турнирида икки йўналишда финалчи бўлди
Яккалик баҳсларида Саидислам финалгача етиб борди.
photo: Tennis Uzbekistan
Туркиянинг Анталия шаҳрида ўтказилган Tennis Europe Junior Tour тақвимига кирувчи нуфузли Ahmet Erguden Cup 8 турнирида Ўзбекистон вакили Саидислам Фарходов муваффақиятли иштирок этди.
Яккалик баҳсларида Саидислам финалгача етиб борди. Ҳал қилувчи учрашувда у испаниялик Фернандо Де Ла Торрега 3–6, 3–6 ҳисобида имкониятни бой берди.
Шунингдек, у жуфтлик баҳсларида ҳам финалга чиқиб, мусобақани икки йўналишда финалчи сифатида якунлади.
Ушбу натижа ёш теннисчимизнинг Tennis Europe мусобақаларидаги барқарор ўсиши ва халқаро майдондаги тажрибасини янада бойитаётганини кўрсатади.
Саидисламга келгуси стартларда омад ва ёрқин ғалабалар тилаймиз!
Иброҳим Жалолов
Редактор