Теннис. Полина Кудерметова Citi Open асосий тўрига йўл олди
Полина Кудерметова Citi Open асосий тўрига йўл олди
Ўзбекистон теннисчиси Полина Кудерметова АҚШнинг Вашингтон шаҳрида ўтаётган Citi Open турнирининг асосий тўрига чиқди.
Мусобақа WTA 500 тоифасига киради ва мавсумнинг нуфузли турнирларидан бири ҳисобланади.
Саралаш баҳсларида Полина кетма-кет икки ғалабага эришди. Дастлаб у Япония вакили Mei Yamaguchiни 7/6(8), 6/4 ҳисобида мағлуб этди.
Ҳал қилувчи саралаш учрашувида эса АҚШ вакили Varvara Lepchenkoни 4/6, 7/6(9), 6/4 ҳисобида таслим этиб, асосий тўр йўлланмасини қўлга киритди.
Асосий тўрнинг илк даврасида Полина Испания вакили Kristina Bukshaга қарши кортга чиқади. Ҳозирда Buksha WTA рейтингда 35-ўринни, Полина Кудерметова эса 111-ўринни эгаллаб турибди.
Полинага мусобақада омад ва муваффақият тилаймиз!
