Теннис. Мария Тимофеева Монтеррей турнирининг иккинчи босқичида иштирок этади
Иккинчи босқичда ҳамюртимиз дунёнинг 30-ракеткаси, америкалик Энн Ли билан учрашади. Турнирнинг соврин жамғармаси 1 164 401 АҚШ долларини ташкил этади.
photo: gettyimages
Мария Тимофеева Монтеррей турнирининг иккинчи босқичида!
Ўзбекистон вакили Мария Тимофеева Мексиканинг Монтеррей шаҳрида ўтаётган WTA 500 — Abierto GNP Seguros турнирининг иккинчи босқичига йўл олди.
Саралаш баҳсларидан асосий тўрга чиққан Тимофеева илк даврада Хитой вакили, жаҳон рейтингида 53-ўринни эгаллаб турган тажрибали Чжан Шуайни 6:1, 6:3 ҳисобида ишончли тарзда мағлуб этди. Мария айни пайтда WTA рейтингида 92-ўринда бормоқда.
Иккинчи босқичда ҳамюртимиз дунёнинг 30-ракеткаси, америкалик Энн Ли билан учрашади. Турнирнинг соврин жамғармаси 1 164 401 АҚШ долларини ташкил этади.
Иброҳим Жалолов
Редактор