Теннис. Канада Очиқ чемпионатида ярим финалчилар аниқланди
Теннис бўйича Канада Очиқ чемпионатида чорак финал учрашувлари якунланди ва ярим финалда кортга чиқадиган теннисчилар номи маълум бўлди.
Аёллар ўртасидаги баҳслар
Торонто шаҳрида ўтаётган турнир тўрининг юқори қисмида украиналик Элина Свитолина ҳамда поляк Ига Швёнтек финалга йўл олиш учун курашни давом эттирмоқда.
Свитолина чорак финалда россиялик Екатерина Александровани 3:6, 6:0, 6:3 ҳисобида мағлуб этди.
Швёнтек эса канадалик эмас, россиялик Диана Шнайдер устидан 6:2, 6:1 ҳисобида ғалаба қозонди.
Тўрнинг қуйи қисмида ярим финалда америкалик Коко Гауфф ва Қозоғистон вакили Елена Рыбакина ўзаро куч синашади.
Гауффнинг чорак финалдаги рақиби — швейцариялик Белинда Бенчич жароҳати сабаб кортга чиқмасдан, мағлубиятини тан олди.
Рыбакина эса япониялик Наоми Осакага қарши баҳсда камбек қайд этиб, 4:6, 7:6(5), 6:4 ҳисобида ғалаба қозонди.
