Теннис. Камилла Рахимова Торонто WTA 1000 турнирининг учинчи босқичига йўл олди!
Иккинчи даврада Камилла тажрибали чех теннисчиси Катерина Синяковани 6:7(1), 6:0, 5:2 ҳисобида мағлуб этди.
photo: gettyimages
Камилла Рахимова Торонто WTA 1000 турнирининг учинчи босқичига йўл олди!
Ўзбекистонлик теннисчи Камилла Рахимова Канаданинг Торонто шаҳрида ўтаётган National Bank Open Presented by Rogers (WTA 1000) мусобақасининг учинчи босқичига чиқди.
Иккинчи даврада Камилла тажрибали чех теннисчиси Катерина Синяковани 6:7(1), 6:0, 5:2 ҳисобида мағлуб этди. Рақиб учрашувни давом эттира олмагани сабабли ғалаба Рахимовага ёзилди.
Синякова — WTA турининг энг тажрибали теннисчиларидан бири. У жуфтлик баҳсларида собиқ дунё биринчи ракеткаси, кўп карра “Катта дубулға” чемпиони ҳисобланади. Ҳозирда эса яккалик рейтингда 36-ўринни эгаллаб турибди.
Учинчи босқичда Камилла россиялик, WTA рейтингида 21-рақамли теннисчи Анна Калинскаяга қарши кортга чиқади.
Иброҳим Жалолов
Редактор