Теннис. Қизларимиз финалда!
Теннисчиларимиз Ливан жамоасини 2:0 ҳисобида мағлуб этди, иккила яккалик учрашувида ҳам ғалаба қозонди.
photo: Tennis Uzbekistan
Вьетнамда ўтаётган ITF World Junior Tennis Competition (Asia/Oceania Pre-Qualifying) жамоавий турнирида Ўзбекистоннинг 14 ёшгача бўлган қизлар жамоаси ярим финал босқичини муваффақиятли якунлади.
Теннисчиларимиз Ливан жамоасини 2:0 ҳисобида мағлуб этди, иккила яккалик учрашувида ҳам ғалаба қозонди. Шунингдек, Ливан жамоаси жуфтлик учрашувида иштирок этишдан воз кечди.
Шу тариқа Ўзбекистон жамоаси турнир финалига йўл олди ва ушбу ғалаба туфайли Малайзиянинг Кучинг шаҳрида бўлиб ўтадиган финал босқичига йўлланмани қўлга киритди.
Иброҳим Жалолов
Редактор