Теннис. Қаршида ATF 12&Under Karshi Cup турнири якунланди
Қаршида ATF 12&Under Karshi Cup турнири якунланди.
Қашқадарё вилоятида 12 ёшгача бўлган ёш теннисчилар ўртасида ATF 12&Under Karshi Cup халқаро турнири бўлиб ўтди. Мусобақада Ўзбекистон, Қозоғистон ва бошқа мамлакатлардан ёш теннисчилар иштирок этди.
Ўзбекистон вакили С. Жалолитдинов ўғил болалар ўртасидаги яккалик баҳсларида чемпионликни қўлга киритди. Финалда у ҳамюртимиз Абдуалий Азаматовни 6:0, 6:3 ҳисобида мағлуб этди.
Жуфтлик баҳсларида С. Жалолитдинов / С. Кизатбай (Қозоғистон) тандеми ҳам ғолибликни қўлга киритди — финал 6:2, 6:2 ҳисобида якунланди.
Қизлар ўртасидаги баҳсларда Қозоғистон вакиллари муваффақият қозонди: Медина Раимбек яккаликда, Даяна Жанаева / Медина Раимбек жуфтлиги эса жуфтлик баҳсларида чемпион бўлди.
Ёш теннисчиларимизни муносиб натижалар билан табриклаймиз ва келгуси мусобақаларда омад тилаймиз!
