Теннис. Андижонда ATF 14&U турнири якунланди
Андижонда ATF 14&U турнири якунланди
Андижон вилоятида 14 ёшгача бўлган теннисчилар ўртасидаги ATF 14 & Under (2) турнири ўз ниҳоясига етди. Мусобақанинг яккалик баҳсларида ҳам қизлар, ҳам ўғил болалар ўртасида Ўзбекистон вакиллари чемпионликни қўлга киритишди.
Қизлар, яккалик:
Одина Хакимова финалда ҳамюртимиз Екатерина Фоминани 6:1, 6:1 ҳисобида мағлуб этиб, турнир ғолибасига айланди.
Ўғил болалар, яккалик:
Азамжон Зиятов финалда ҳамюртимиз Милан Зинатулинни 6:2, 6:2 ҳисобида мағлуб этиб, чемпионликни қўлга киритди.
Жуфтлик баҳслари:
Қизлар ўртасида Ўзбекистон вакиллари Одина Хакимова ва Диляра Рустамова финалда яна бир ўзбекистонлик жуфтлик — Анна Овсепян ва Лайло Тухтамишевани 6:3, 6:1 ҳисобида мағлуб этиб, турнир ғолибасига айланишди.
Ўғил болалар ўртасида Аббос Нуруллаев (Ўзбекистон) / Аллан-Дияр Базарбеков (Қозоғистон) жуфтлиги ғолиб бўлди. Финалда улар Диёрбек Зокиров (Ўзбекистон) / Адилхан Ералин (Қозоғистон) жуфтлиги билан учрашди. Ҳисоб 3:2 бўлганида рақиблар учрашувни давом эттира олмади.
Ёш теннисчиларимизни муваффақиятли иштирок билан табриклаймиз ва келгуси мусобақаларда уларга янги ғалабалар тилаймиз!
