Султоновнинг “Ролан Гаррос”даги дебюти 55 дақиқада якун топди
Расм: Gazeta.uz
19 май куни Парижда теннис бўйича “Катта дубулға” туркумига кирувчи “Ролан Гаррос” турнирининг саралаш босқич баҳслари старт олди. Франция очиқ чемпионатида юртимиз вакили Ҳумоюн Султонов ҳам иштирок этди. У қуръа асосида илк босқичда тажрибали испаниялик теннисчи, собиқ 17-ракеткачи Альберт Рамос-Виноласга қарши майдонга тушди.
Учрашув бор-йўғи 55 дақиқа давом этди ва Рамос Султоновни 6/1, 6/1 ҳисобида мағлуб этди.
Айни пайтда Султонов ATP рейтингида 224, Рамос эса 248-ўринни эгаллаб турибди. Бу икки теннисчи учун илк ўзаро тўқнашув бўлди. Қизиғи, ҳар икки спортчи 3 тадан эйс зарбасини амалга оширган.
Бакрадзе Иман
Редактор