Стол тенниси. Тошкентда Про-тур мусобақаси бошланди
Биринчиликда қатнашиш учун мамлакатимизнинг 68 та шаҳар ва туманидан 353 нафар спортчиси рўйхатдан ўтди.
photo: gettyimages
Тошкент шаҳрида Ўзбекистон стол тенниси тасарруфида яккаликда эркаклар ва аёллар ўртасида дастлабки синов тариқасида “Про-тур” мусобақаси бошланди.
Ушбу мусобақа профессионал даражадаги турнирларни йўлга қўйиш, тажрибали спортчиларни маҳоратини ошириш ва ёш истеъдод соҳибларини аниқлаш мақсадида уюштирилмоқда.
Биринчиликда қатнашиш учун мамлакатимизнинг 68 та шаҳар ва туманидан 353 нафар (шундан 53 нафари аёллар) спортчи рўйхатдан ўтган.
“Про-тур” дастури қуйидагича:
24 октябр. Мусобақанинг очилиш маросими ва дастлабки беллашувлар.
25 октябр. Гуруҳ босқичи учрашувлари ва плей-офф баҳслари.
26 октябр. Финал ўйинлари ҳамда ғолиб ва совриндорларни тақдирлаш маросими.
Иброҳим Жалолов
Редактор