Соболенко Цинциннатида чорак финалга чиқа олмади
«Катта шлем» турнирларининг тўрт карра чемпиони, дунёдаги биринчи рақамли теннисчи Арина Соболенко АҚШнинг Цинциннати шаҳрида ўтказилаётган WTA-1000 турнирида чорак финалга чиқа олмади.
Беларуслик теннисчи 1/8 финал босқичида жаҳон рейтингида 35-ўринда турган чехиялик Сара Бейлекка 6:7 (7:9), 4:6 ҳисобида имкониятни бой берди. Учрашув 1 соат 55 дақиқа давом этди.
Соболенко баҳс давомида бирор марта эйс қайд этмади, 4 та қўш хатога йўл қўйди ва брейк-пойнтларнинг 6 тасидан 4 тасидан унумли фойдаланди. Бейлек эса 3 та эйс ишлади, қўш хато қилмади ва 11 та брейк-пойнтдан 5 тасини муваффақиятли якунлади.
Шу тариқа, 20 ёшли Бейлек фаолиятида илк бор WTA-1000 турнирининг чорак финалига йўл олди. Бу унинг жаҳон рейтингидаги биринчи рақамли теннисчи устидан ҳам илк ғалабаси бўлди.
