Ўсмирлар ўртасида J60 Наманган теннис турнири якунланди
Наманган шаҳрида ўтказилган ўсмирлар ўртасидаги халқаро теннис турнири ўз ниҳоясига етди. Ўсмирлар якка кураш баҳсларида ўзбекистонлик теннисчи Абдулазиз Усмонжонов рақибини 6:4, 7:6(10) ҳисобида мағлуб этиб, ғолибликни қўлга киритди. Афсуски, бошқа ўзбекистонлик спортчи Нуриддин Бахтиёров финалга йўл ола олмади ва ярим финалда 4:6, 5:7 ҳисобида мағлубиятга учради. Абдулазиз Усмонжонов ва Сӯҳроб Саидов финал йўлланмаси учун бўлган қийин ўйинда 6:4, 4:6, 8:10 ҳисобида енгилишди.
Қизлар ўртасида ўзбекистонлик Злата Чинова ва Нигина Алимова турнир финалчилари бўлишди, аммо финалда 6:2, 6:7(4), 7:10 ҳисобида мағлубиятга учрашди. Ярим финалда яна бир ўзбекистонлик жуфтлик Шаҳзода Артиқбоева ва Самира Хазиева 6:7(3), 2:6 ҳисобида рақибларига имкониятни бой беришди.
Навбатдаги турнир 1 апрелдан Фарғона шаҳрида бошланади.
