O‘smirlar o‘rtasida J60 Namangan tennis turniri yakunlandi
Namangan shahrida o‘tkazilgan o‘smirlar o‘rtasidagi xalqaro tennis turniri o‘z nihoyasiga yetdi. O‘smirlar yakka kurash bahslarida o‘zbekistonlik tennischi Abdulaziz Usmonjonov raqibini 6:4, 7:6(10) hisobida mag‘lub etib, g‘oliblikni qo‘lga kiritdi. Afsuski, boshqa o‘zbekistonlik sportchi Nuriddin Baxtiyorov finalga yo‘l ola olmadi va yarim finalda 4:6, 5:7 hisobida mag‘lubiyatga uchradi. Abdulaziz Usmonjonov va Suhrob Saidov final yo‘llanmasi uchun bo‘lgan qiyin o‘yinda 6:4, 4:6, 8:10 hisobida yengilishdi.
Qizlar o‘rtasida o‘zbekistonlik Zlata Chinova va Nigina Alimova turnir finalchilari bo‘lishdi, ammo finalda 6:2, 6:7(4), 7:10 hisobida mag‘lubiyatga uchrashdi. Yarim finalda yana bir o‘zbekistonlik juftlik Shahzod Artiqboyeva va Samira Xaziyeva 6:7(3), 2:6 hisobida raqiblariga imkoniyatni boy berishdi.
Navbatdagi turnir 1-apreldan Farg‘ona shahrida boshlanadi.
