Сергей Фомин Шимкентдаги турнирнинг якка ва жуфт разрядларида ярим финалга йўл олди
Қозоғистоннинг Шимкент шаҳрида ўтаётган M15 тоифасидаги теннис турнирида ярим финал иштирокчилари аниқланмоқда. Ўзбекистон теннисчиси Сергей Фомин мусобақада муваффақиятли иштирок этмоқда.
1 май куни у 1/8 финал босқичида ҳиндистонлик Кумаран Бхаратга қарши кортга чиқди. Биринчи сетнинг учинчи геймидан сўнг рақиби соғлиғида муаммо туфайли баҳсни давом эттира олмади.
2 май куни Фомин чорак финалда россиялик Бекхан Атлангериев (АТР рейтингида 994-ўрин) билан ўйнади. Фомин (461-ўрин) рақибини 6:2, 6:2 ҳисобида ишончли тарзда мағлуб этди.
Ярим финалда у Германия теннисчиси Адриан Отцбахга (680-ўрин) қарши майдонга чиқади.
Шунингдек, Фомин шериги Вербен билан бирга жуфт разрядда ҳам ярим финалга йўл олди. Улар россиялик ва поляк теннисчилардан иборат жуфтликка қарши 2 май куни маҳаллий вақт билан соат 15:00 да ўйнайдилар.
