Sergey Fomin Shymkentdagi turnirning yakka va juft razryadlarida yarim finalga yo‘l oldi

Tennis 02 may 2025 da 05:46

Qozog‘istonning Shymkent shahrida o‘tayotgan M15 toifasidagi tennis turnirida yarim final ishtirokchilari aniqlanmoqda. O‘zbekiston tennischisi Sergey Fomin musobaqada muvaffaqiyatli ishtirok etmoqda.

1 may kuni u 1/8 final bosqichida hindistonlik Kumaran Bharatga qarshi kortga chiqdi. Birinchi setning uchinchi geymidan so‘ng raqibi sog‘lig‘ida muammo tufayli bahsni davom ettira olmadi.

2 may kuni Fomin chorak finalda rossiyalik Bekhan Atlangeriev (ATP reytingida 994-o‘rin) bilan o‘ynadi. Fomin (461-o‘rin) raqibini 6:2, 6:2 hisobida ishonchli tarzda mag‘lub etdi.

Yarim finalda u Germaniya tennischisi Adrian Otzbachga (680-o‘rin) qarshi maydonga chiqadi.

Shuningdek, Fomin sherigi Verben bilan birga juft razryadda ham yarim finalga yo‘l oldi. Ular rossiyalik va polyak tennischilardan iborat juftlikka qarshi 2 may kuni mahalliy vaqt bilan soat 15:00 da o‘ynaydilar.

Mashhur yangiliklar