Sergey Fomin Shymkentda ITF Pro Circuit M15 turniri finallarida ishtirok etdi

Qozog'istonning Shymkent shahrida ITF M15 turniri yakunlandi. O'zbekistonning ikkinchi raketkasi Sergey Fomin ushbu musobaqada munosib natija qayd etdi. 26 aprel kuni u rossiyalik Pavel Verbin bilan juftlik bahslarida chempionlikni qo'lga kiritdi. Ular finalda Germaniya vakili Adrian Etsbax hamda Belgiya tennischisi Martin Van der Meershenni 6:3, 6:3 hisobida mag'lub etishdi.

Fomin yakkalik bahslarida ham finalga chiqqan edi. Ammo bosh g'oliblikka asosiy da'vogar sifatida ko'rsatilganiga qaramay, fransuz tennischisi Shon Kyunenga 4:6, 6:1, 1:6 hisobida yutqazdi. Bellashuv ikki soat yetti daqiqa davom etdi.

Hozirgi kunda Sergey Fomin ATP reytingida 461-o'rinda, Shon Kyunen esa 937-o'rinda qayd etilgan.

Bakradze Iman

Redaktor