Серена Уилямс турмуш ўртоғи билан Англия Кубоги финалида қатнашди

Теннис 19 май 2025 да 05:35

Бакрадзе Иман

Редактор

23 карра “Катта дубулға” ғолиби, теннис бўйича собиқ дунё биринчи рақамлиси Серена Уилямс турмуш ўртоғи Алексис Оганян билан бирга аёллар ўртасидаги Англия Кубоги финалига ташриф буюрди. Учрашув 18 май, якшанба куни бўлиб ўтди ва унда «Челси» аёллар жамоаси «Манчестер Юнайтед»ни 3:0 ҳисобида мағлуб этди.

АҚШлик тадбиркор Алексис Оганян 2024 йили «Челси» аёллар жамоасининг 10% акциясини сотиб олган ва ҳозирда жамоа акциядорларидан бири ҳисобланади.

Серена Уилямс 2022 йили профессионал теннисдан расман кетган. Ҳозирда у 43 ёшда бўлиб, тадбиркорлик фаолияти билан шуғулланади ва икки қизалоқ — Олимпия ва Адира Риверни тарбиялаяпти.