Roland Garros Junior Series ярим финалида - икки ўзбекистонлик теннисчи
Олма-Ота (Қозоғистон) шаҳрида Марказий ва Ғарбий Осиёнинг энг иқтидорли 16 ёшгача бўлган теннисчилари Roland Garros Junior Series by Renault саралаш босқичида майдонга тушишмоқда.
Чорак финал натижаларига кўра, ўзбекистонлик икки теннисчи — Алан Зинатулин ва Акмал Абдуллаев ярим финалга чиқишди.
Ўғил болалар баҳсида:
• Алан Зинатулин қозоғистонлик Родион Трайгелни 6:3, 6:3 ҳисобида мағлуб этди. Энди у финал йўлланмаси учун яна бир қозоғистонлик теннисчи Мансур Саиновга қарши ўйнайди.
• Акмал Абдуллаев эса ҳамюрти Маҳмудбек Бекназаров устидан 3:6, 6:2, 6:0 ҳисобида иродали ғалаба қозонди. Ярим финалда у қозоғистонлик Ансар Ниеткалиевга қарши кураш олиб боради.
Қизлар баҳсида:
Ўзбекистон шарафини Кейра Ким ҳимоя қилди. У чорак финалда қозоғистонлик Адия Омарбекка 2:6, 4:6 ҳисобида имкониятни бой берди ва энди бешинчи ўрин учун баҳсда иштирок этади.
Саралаш финаллари 9 август куни ўтказилади. Ғолиблар 2025 йил октябрда Японияда бўладиган Roland Garros Junior Series финал босқичига йўл олади. У ердаги чемпионлар эса 2026 йилда Париждаги Roland Garros Junior Series мусобақасига йўлланма қўлга киритади.
