Қозоғистонлик теннисчи WTA рейтингида дунёнинг биринчи ракеткасига айланди
Қозоғистонлик теннисчи Елена Рибакина фаолиятида илк бор WTA рейтингида биринчи ўринни эгаллайди. 27 ёшли спортчи US Open турнирининг ярим финалига йўл олгач, дунёнинг янги биринчи ракеткаси бўлишини кафолатлади.
Рибакина чорак финалда хитойлик Чжен Синвенни 3:6, 6:1, 6:4 ҳисобида мағлуб этди. Ушбу ғалабадан сўнг у амалдаги рейтинг етакчиси Арина Сабаленкани ортда қолдириши аниқ бўлди.
Янгиланган WTA рейтинги 14 сентябрь куни расман эълон қилинади. Рибакина WTA тарихида яккалик баҳсларида дунёнинг биринчи ракеткасига айланган 30-теннисчи бўлади.
Маълумот учун, Елена Рибакина Қозоғистон номидан WTA ёки ATP рейтингида биринчи ўринга кўтарилган тарихдаги илк теннисчига айланади. Сабаленка эса 2024 йил октябридан буён рейтинг етакчиси бўлиб келаётганди.
