Монтеррейда ўзбек теннис дербиси

Мексиканинг Монтеррей шаҳрида ўтказилаётган WTA 500 турнири саралаш босқичида Ўзбекистон вакиллари Мария Тимофеева ва Камилла Раҳимова ҳал қилувчи баҳсда ўзаро тўқнаш келади.

Биринчи босқичда Мария Тимофеева таиландлик Ланлана Тарарудеени 7:6(5), 2:6, 7:6(4) ҳисобида мағлуб этди.

Камилла Раҳимова эса французлик Леолия Жанжан устидан 6:4, 4:6, 6:2 ҳисобида ғалаба қозонди.

Энди Монтеррейда ўзбек теннис дербиси бўлиб ўтади. Ушбу учрашув ғолибаси турнирнинг асосий торига йўл олади.

Monterrey Open — WTA 500 тоифасидаги турнир бўлиб, баҳслар қаттиқ қопламали кортларда ўтказилади. Турнирнинг умумий мукофот жамғармаси 1 206 446 долларни ташкил этади.

Иброҳим Жалолов

Редактор

0 0 0 0 0 0