Monterreyda o‘zbek tennis derbisi

Meksikaning Monterrey shahrida o‘tkazilayotgan WTA 500 turniri saralash bosqichida O‘zbekiston vakillari Maria Timofeeva va Kamilla Raximova hal qiluvchi bahsda o‘zaro to‘qnash keladi.

Birinchi bosqichda Maria Timofeeva tailandlik Lanlana Tararudeeni 7:6(5), 2:6, 7:6(4) hisobida mag‘lub etdi.

Kamilla Raximova esa fransiyalik Leolia Jeanjean ustidan 6:4, 4:6, 6:2 hisobida g‘alaba qozondi.

Endi Monterreyda o‘zbek tennis derbisi bo‘lib o‘tadi. Ushbu uchrashuv g‘olibasi turnirning asosiy to‘riga yo‘l oladi.

Monterrey Open — WTA 500 toifasidagi turnir bo‘lib, bahslar qattiq qoplamali kortlarda o‘tkaziladi. Turnirning umumiy mukofot jamg‘armasi 1 206 446 dollarni tashkil etadi.

Ibrohim Jalolov

Redaktor

0 0 0 0 0 0