Милушев ва Шин Қайсерида ғалаба билан старт беришди
Ўзбекистонлик икки теннисчи M15 турнирини муваффақиятли бошлаб, кейинги босқичга йўл олишди
Расм: Olamsport.uz
Туркиянинг Қайсери шаҳрида бўлиб ўтаётган теннис бўйича M15 тоифасидаги халқаро мусобақада ўзбекистонлик икки теннисчи — Амир Милушев ва Максим Шин ғалаба билан иштирокини бошлади.
Юртдошларимиздан бири, ATP рейтингида 1420-ўринда турган Амир Милушев мусобақанинг иккинчи рақами, германиялик Нино Эхреншнейдерни 6/3, 7/6(3) ҳисобида мағлуб этиб, турнинг энг кутилмаган натижаларидан бирини қайд этди.
Максим Шин эса илк босқичда испаниялик Бернардо Месанига қарши уч сетлик маррали ўйинда устун келди — 7/6(3), 2/6, 6/4. Ушбу натижа билан Ўзбекистоннинг учинчи ва тўртинчи ракеткалари мусобақанинг 1/8 финалига йўл олди.
Бакрадзе Иман
Редактор