Milushev va Shin Qaysherida g‘alaba bilan start berishdi
O‘zbekistonlik ikki tennischi M15 turnirini muvaffaqiyatli boshlab, keyingi bosqichga yo‘l olishdi
Rasm: Olamsport.uz
Turkiyaning Qaysheri shahrida bo‘lib o‘tayotgan tennis bo‘yicha M15 toifasidagi xalqaro musobaqada o‘zbekistonlik ikki tennischi — Amir Milushev va Maksim Shin g‘alaba bilan ishtirokini boshladi.
Yurtimiz vakillaridan biri, ATP reytingida 1420-o‘rinda turgan Amir Milushev musobaqaning ikkinchi raqami, germaniyalik Nino Echrenshneyderni 6/3, 7/6(3) hisobida mag‘lub etib, turnirning eng kutilmagan natijalaridan biriga erishdi.
Maksim Shin esa ilk bosqichda ispaniyalik Bernardo Mesaniga qarshi uch setlik murosasiz o‘yinda ustun keldi — 7/6(3), 2/6, 6/4. Ushbu natija bilan O‘zbekistonning uchinchi va to‘rtinchi raketkalari musobaqaning 1/8 finaliga yo‘l oldi.
Bakradze Iman
Redaktor