Маямидаги турнир финалчилар номлари маълум бўлди

Теннис 28 мар 2025 да 08:22

Бакрадзе Иман

Редактор

27-мартдан 28-мартга ўтар кечаси Маямида аёллар ўртасидаги Masters ярим финаллари ўтказилди. Биринчи ярим финалда жаҳон рейтингининг пешқадами, беларуслик Арина Сабаленка ҳамда жаҳон рейтингида олтинчи ўринда турган италиялик Жасмин Паолини кортга тушди. Беларуслик теннисчи жиддий қаршиликка дуч келмай, бир соат-у 11 дақиқада италиялик рақибини 6:2, 6:2 ҳисобида осон мағлуб этди.

Иккинчи ярим финал эса анча қизғин ва узоқроқ давом этди - икки соат-у 26 дақиқа. Унда америкалик Жессика Пегула ва кучли ўнталикдаги теннисчиларни мағлуб етиб, ажойиб натижалар курсатаеткан филиппинлик Александра Эала беллашди. Бу сафар тўртинчи рақамли иштирокчи америкалик теннисчи оғир курашда филиппинлик рақибининг яна бир сенсация яратишига йўл қўймади. Ўйин 7:6(3), 5:7, 6:3 ҳисобида Пегула фойдасига якунланди.

Сабаленка ва Пегула ўртасидаги финал 29 март куни соат 19:00да бўлиб ўтади.