Маямидаги \"Masters\" мусобақасининг ярим финал иштирокчилари маълум бўлди
27-мартдан 28-мартга ўтар кечаси ATP Masters 1000 мусобақаси доирасида теннисчилар ўртасида чорак финал учрашувлари бўлиб ўтди. Биринчи баҳсда жаҳон рейтингининг бешинчи рақами сербиялик Новак Жокович ва рейтингда 25-ўринни эгаллаб турган америкалик Себастян Корда майдонга тушдилар. Ўйин бир соат 22 дақиқа давом этиб, 6:3 7:6(4) ҳисобида сербиялик фойдасига якунланди. Кейинги босқичда Новак Жокович болгариялик Григор Димитров билан куч синашади.
Турнирнинг бошқа бир ярим финалчиси аниқланган учрашувда франциялик Артур Филс ва чехиялик Якуб Меншик беллашди. Атиги бир соат 15 дақиқада 7:6(5) 6:1 ҳисобида якунланиб, 19 ёшли чехиялик теннис уйинчиси ўз фаолиятида илк бор шундай юқори натижага эришди. Энди Меншик америкалик Тейлор Фриц билан ўйнайди. Фрицнинг ўзи эса қийин жангда италиялик Маттео Берреттинини мағлуб этди. Теннисчилар кортда икки соат 44 дақиқа тер тўкишди ва якуний ҳисоб 7:5 6:7(7) 7:5 америкалик фойдасига ҳал бўлди.
Ярим финал жуфтликлари қуйидагича шаклланади:
Жокович - Димитров
Меншик - Фриц
Ўйинлар 29 март кунига режалаштирилган.