Мария Тимофеева Уимблдондаги иштирокини иккинчи босқичда якунлади
Мертенс — собиқ дунёда 12-рақамли теннисчи, WTA турнирларида 10 та яккалик чемпионлиги соҳибаси ҳамда жуфтлик баҳсларида 6 карра “Катта Дубулға” ғолиби ҳисобланади.
photo: gettyimages
Ўзбекистон шарафини ҳимоя қилаётган Мария Тимофеева Уимблдон турнирининг иккинчи босқичида бельгиялик тажрибали теннисчи Элиз Мертенсга 6:2, 3:6, 0:6 ҳисобида имкониятни бой берди.
Мертенс — собиқ дунёда 12-рақамли теннисчи, WTA турнирларида 10 та яккалик чемпионлиги соҳибаси ҳамда жуфтлик баҳсларида 6 карра “Катта Дубулға” ғолиби ҳисобланади. У кўп йиллар давомида жаҳон теннисининг етакчи вакилларидан бири бўлиб келмоқда.
Шунга қарамай, Мария турнир давомида юқори савиядаги ўйин намойиш этди. Биринчи босқичда у собиқ дунёда 10-рақамли теннисчи Беатрис Хаддад Майани мағлуб этиб, Уимблдоннинг иккинчи даврасига йўл олганди.
Марияга мавсумнинг навбатдаги мусобақаларида омад ва янги ғалабалар тилаймиз!
Иброҳим Жалолов
Редактор