Максим Шин Tashkent M15 мусобақасида ярим финал олдидан тўхтади
Шу кунларда Тошкент шаҳридаги “Юнусобод” спорт мажмуасида теннис бўйича ITF туркумига кирувчи M15 мусобақаси қизғин паллага кирди. Унда ўзбекистонлик бир қатор теннисчилар иштирок этди.
Амир Милушев, Дамир Абдусамадов, Ботир Сапаев ва Абдулазиз Усмонжонов мусобақанинг дастлабки босқичларида мағлубиятга учрашди. Аммо Максим Шин мусобақада юқори натижа қайд этишга муваффақ бўлди.
Шин аввал нейтрал мақомда иштирок этган Алексей Алешчёвни мағлуб этди. Кейин эса рейтингда 640-поғонада жойлашган, мусобақанинг учинчи рақамли теннисчиси россиялик Максим Жуков устидан муҳим ғалабани қўлга киритди. Бу натижа ёш теннисчимиз учун катта ютуқ бўлди.
Афсуски, чорак финалда Шин ҳиндистонлик Криш Тиягига қарши тайбрекларда имкониятни бой берди. Шу tariqa, Тошкентдаги M15 мусобақасида ўзбекистонлик теннисчиларнинг энг яхши натижаси 1/4 финалга чиқиш билан чекланди.
