Лионел Месси Майамида Жоковичнинг ўйинига ташриф буюрди
28-март куни сербиялик Новак Жокович билан болгариялик Григор Димитров ўртасидаги ярим финал учрашувида серб ғолиб чиқди. Диққатга сазовор томони шундаки, трибунада ўтирган Лионел Месси Новакни қўллаб-қувватлади.
Ўйиндан сўнг Жокович интервьюсида Месси ҳақида шундай деди: "Месси иштирокида биринчи марта ўйнаш мен учун катта шараф ва мамнуният. Футболчининг оиласи билан келганидан миннатдорман. Дунёдаги кўпчилик қатори мен ҳам унинг бутун фаолияти давомида ундан ҳайратланиб келганман. Унинг ҳамон ўйнаётгани ажойиб. Биз тенгдошмиз, иккаламиз ҳам 1987-йилда туғилганмиз, унинг бу ерда бўлиши жуда ёқимли."
Новак Жокович ўйиндан кейин Лионел Месси билан учрашиб, аргентиналик футболчига имзоланган футболкасини топширди. Иккинчи финалчи Якуб Меншик ҳам аргентиналик футболчи билан учрашди ва спортчилар биргаликда суратга тушишди.