Lionel Messi Mayamida Jokovichning o‘yiniga tashrif buyurdi
28-mart kuni serbiyalik Novak Jokovich bilan bolgariyalik Grigor Dimitrov o‘rtasidagi yarim final uchrashuvida serb g‘olib chiqdi. Diqqatga sazovor tomoni shundaki, tribunada o‘tirgan Lionel Messi Novakni qo‘llab-quvvatladi.
O‘yindan so‘ng Jokovich intervyusida Messi haqida shunday dedi: “Messi ishtirokida birinchi marta o‘ynash men uchun katta sharaf va mamnuniyat. Futbolchining oilasi bilan kelganidan minnatdorman. Dunyodagi ko‘pchilik qatori men ham uning butun faoliyati davomida undan hayratlanib kelganman. Uning hamon o‘ynayotgani ajoyib. Biz tengdoshmiz, ikkalamiz ham 1987-yilda tug‘ilganmiz, uning bu yerda bo‘lishi juda yoqimli.”
Novak Jokovich o‘yindan keyin Lionel Messi bilan uchrashib, argentinalik futbolchiga imzolangan futbolkasini topshirdi. Ikkinchi finalchi Yakub Menshik ham argentinalik futbolchi bilan uchrashdi va sportchilar birgalikda suratga tushishdi.
