Карлос Алкарас Монте-Карлода ўтган Masters турнири чемпиони бўлди
Испаниялик теннисчи Карлос Алкарас, жаҳон рейтингида учинчи ўринни эгаллаган спортчи, Masters туркумидаги мусобақалардаги олтинчи чемпионлик унвонини қўлга киритди. Финал баҳсида у ATP рейтингида 16-ўринда турган италиялик Лоренцо Музеттини 3:6, 6:1, 6:0 ҳисобида мағлуб этди. Алкарас ва Музетти ўртасидаги шахсий ўйинларда Карлос катта устунликка эга - ҳисоб 5:1.
1 соат 46 дақиқа давом этган учрашувда ҳар икки теннисчи 3 тадан эйс қайд этди. Бироқ брейклар бўйича устунлик Алкарасда бўлди — 6:2. 21 ёшли испаниялик теннисчи шу билан Masters сериясидаги 6-чемпионлиги ва ATP турнирларидаги 18-чемпионлигини нишонлади.
14 апрел ҳолатига кўра янгиланган рейтингда Карлос Алкарас 7720 очко билан дунёнинг иккинчи ракеткасига айланди. Бошчиликни эса 9930 очко тўплаган Янник Синнер сақлаб қолди.
