Karlos Alkaras Monte-Karloda o'tgan Masters turniri chempioni bo'ldi
Ispaniyalik tennischi Karlos Alkaras, jahon reytingida uchinchi o'rinni egallagan sportchi, Masters turkumidagi musobaqalardagi oltinchi chempionlik unvonini qo'lga kiritdi. Final bahsida u ATP reytingida 16-o'rinda turgan italiyalik Lorentso Muzetnini 3:6, 6:1, 6:0 hisobida mag'lub etdi. Alkaras va Muzetti o'rtasidagi shaxsiy o'yinlarda Karlos katta ustunlikka ega - hisob 5:1.
1 soat 46 daqiqa davom etgan uchrashuvda har ikki tennischi 3 tadan eys qayd etdi. Biroq breyklar bo'yicha ustunlik Alkarasda bo'ldi — 6:2. 21 yoshli ispan tennischi shu bilan Masters seriyasidagi 6-chempionligi va ATP turnirlaridagi 18-chempionligini nishonladi.
14 aprel holatiga ko'ra yangilangan reytingda Karlos Alkaras 7720 ochko bilan dunyoning ikkinchi raketkasiga aylandi. Boshchilikni esa 9930 ochko to'plagan Yannik Sinner saqlab qoldi.
