Ига Швёнтек шахсий ҳаёт билан оммавий ҳаёт ўртасидаги мувозанат ҳақида гапирди
Дунё рейтингининг иккинчи ракеткаси — поляк теннисчиси Ига Швёнтек шахсий ҳаётидаги муаммолар, хусусан, папарацци фаолияти билан боғлиқ ноқулайликлар ҳақида фикр билдирди.
— Полшада тинчликни сақлаш қанчалик мураккаб? Жамоат арбоби сифатида қанча шахсий жойингиз бор?
— Полшада бу жуда қийин. Шу сабабли вақтимнинг кўп қисмини уйда ёки дўстларимникида ўтказаман. Кўчага кам чиқаман, чунки ортимдан кузатув бўлишини биламан, — деди у.
— Суратга олишганда нима ҳис қиласиз?
— Агар бу иш билан боғлиқ бўлса — масалан, машғулотга кетаётган пайтда — бунга тушуниш билан қарайман. Лекин уйим яқинида, дўстларим ёки яқинларим билан юрганимда — бу менинг шахсий вақтим ва бундай ҳолатларда суратга олишларига қарши чиқаман. Майами турниридан кейин шундай воқеа бўлган — уйга қайтганимда, папарацци деярли хонамгача кузатиб боришган. Мен тўхтаб, шундай дедим: “Эртага машғулотим бор, у ерда суратга олинг, лекин бу жой — шахсий ҳудуд”. Баъзан улар тушунади. Мен уларнинг ишини тушунаман, агар чегараларга ҳурмат билан қаралса, бир-биримизни тушуниб яшаш мумкин, — деди Швёнтек Tennis.com сайтига берган интервюсида.
