Iga Shvyontek shaxsiy hayot va ommaviy hayot o'rtasidagi muvozanat haqida gapirdi
Dunyo reytingining ikkinchi raketkasi — polyak tennischisi Iga Shvyontek shaxsiy hayotidagi muammolar, xususan, paparatsilarning faoliyati bilan bog‘liq noqulayliklar haqida fikr bildirdi.
— Polshada tinchlikni saqlash qanchalik murakkab? Jamoat arbobi sifatida qancha shaxsiy joyingiz bor?
— Polshada bu juda qiyin. Shu sababli vaqtimning ko‘p qismini uyda yoki do‘stlarimnikida o‘tkazaman. Ko‘chaga kam chiqaman, chunki ortimdan kuzatuv bo‘lishini bilaman, — dedi u.
— Suratga olishganda nima his qilasiz?
— Agar bu ish bilan bog‘liq bo‘lsa — masalan, mashg‘ulotga ketayotgan paytimda — bunga tushunish bilan qarayman. Lekin uyim yaqinida, do‘stlarim yoki yaqinlarim bilan yurganimda — bu mening shaxsiy vaqtim va bunday holatlarda suratga olishlariga qarshiman. Mayami turniridan keyin shunday voqea bo‘lgan — uyga qaytganimda, paparatsilar deyarli xonamgacha kuzatib borishgan. Men to‘xtab, shunday dedim: “Ertaga mashg‘ulotim bor, u yerda suratga oling, lekin bu joy — shaxsiy hudud”. Ba’zan ular tushunadi. Men ularning ishini tushunaman, agar chegaralarga hurmat bilan qaralsa, bir-birimizni tushunib yashash mumkin, — dedi Shvyontek Tennis.com saytiga bergan intervyusida.