Душанбеда ўзбекистонлик теннисчилар икки ҳафта давомида халқаро майдонда ёрқин ўйин кўрсатдилар
Душанбеда ўзбекистонлик теннисчилар икки ҳафта давомида халқаро майдонда ёрқин ўйин кўрсатдилар.
14 ёшли Злата Низамиева кетма-кет икки турнирда — ATF Ramis Cup G-2 ва President Cup ATF G-1 — “олтин дубль”ни амалга оширди. У якка баҳсларнинг финалида икки марта туркманистонлик Назли Худойқулиевани 6:3, 6:1 ҳисобида мағлуб этди. Жуфтлик баҳсида эса Низамиева/Худойқулиева дуэти кетма-кет икки чемпионликни қўлга киритди. Умумий ҳисобда Злата атиги икки ҳафтада тўрт титулни қўлга киритди.
Донг Ким ҳам муваффақиятли қатнашди. У якка баҳсда икки марта финалгача етди, жуфтликда эса қирғизистонлик Бакай Асейнов билан биргаликда иккала турнирда ҳам чемпион бўлди. Улар финалда Жанубий Корея ва Саудия Арабистони вакилларини мағлуб этдилар.
Душанбе натижалари:
• Злата Низамиева — 4 титул (2 якка, 2 жуфтликда);
• Донг Ким — якка баҳс финали + 2 жуфтлик чемпионлиги.
